കുമരകം: കുമരകം എസ്‌കെഎം ദേവസ്വം ബാങ്കില്‍ കോടികളുടെ അഴിമതി നടന്നതായി കുമരകത്ത് പോസ്റ്റര്‍. എസ്കെഎം ദേവസ്വം സംരക്ഷണസമിതിയുടെ പേരിലാണ് പോസ്റ്റര്‍ കാണപ്പെട്ടത്. അഴിമതി അന്വേഷണ കമ്മീഷന്‍ കണ്ടെത്തിയെന്നാണ് പോസ്റ്ററിലുള്ളത്. പോസ്റ്ററിന്‍റെ ആധികാരികതയോ പോസ്റ്റര്‍ ആരാണ് പതിച്ചതെന്നോ വ്യക്തമായിട്ടില്ല. ബാങ്കുമായി ബന്ധപ്പെട്ടു പ്രവർത്തിക്കുന്നവരും അവരുടെ ബന്ധുക്കളും വായ്പയായും മറ്റും എടുത്ത തുക തിരിച്ചടച്ചിട്ടില്ലെന്നും ഇത് അഴിമതിയാണെന്നും പോസ്റ്ററിൽ ആരോപിക്കുന്നു.

ഭഗവാന്‍റെ സ്വത്ത് അടിച്ചുമാറ്റിയവർക്ക് ഇപ്പോഴത്തെ ഭരണസമിതിയിലുള്ള ചിലർ കാവൽ നിൽക്കുകയാണെന്നും പോസ്റ്ററിൽ ആരോപിക്കുന്നുണ്ട്. ചിലരുടെ പേര് അടക്കമാണ് പോസ്റ്ററിൽ ആരോപണം ഉള്ളത്.